Zeramikako ikasleen lanak ikusgai Lobianon

Udal zeramika Eskolako ikasleek 2009-2010 ikasturtean zehar amaitu berrian prestatu dituzten lanak bildu eta ikusgai jarriko dira gaur arratsaldetik aurrera. Erakusketan eskolako kideek landu eta sortutako obrak ikus daitezke, horien artean modeatuak, tornuan egindakoak, erliebeak eta eskultura hainbat daudelarik. Horiek guztiak, labean 1250-1280 gradutara bitartean egosita daude eta baita esmaltatuak. Obra guztiak Lobiano Kultur Guneako erakustokian jarrita daude eta bertan izango dira hilaren azken egunera bitartean.

Ermuko Udal Zeramika Eskolan 18 urtetik 70ra bitarteko hainbat pertsona daude matrikulatuta aurtengo ikasturtean. Horiek guztiak, bi taldeetan banatuta daude eta eskolak astelehen eta asteazkenean izaten dituzte, San Pelaion dagoen ‘Bolatokiaren’ azpian dauden lokaletan. Zeramika Eskolan irakasle moduan ari da Alfonso López ermuarra, hain zuzen ere. Erakusketa gaurtik hasi eta otsailaren 28ra bitartean egongo da zabalik. Erakusketa bisitatzeko ordutegia ondokoa da; lan egunetan arratsaldeko 6etatik 8etara eta larunbatetan goizeko 10etattik eguerdiko ordu 1era bitartean.