'Sarean sun sun', txotxongiloen ikuskizuna Lobianon

Kataluniako “Anita Maravillas Teatro” konpainiak "Sarean sun sun” izeneko obra dakar bihar Lobianora, arratsaldeko 5etatik aurrera. Ikuskizuna udal kultura sailak antolatu du eta aurtengo lehen lau hilekoaren programazioaren barne txertatzen da. Sarrerak 3 euro balio du. Emanaldia adin guztietako ikusleentzat eta bereziki familientzat aproposa da. Obra ez du testurik ez eta hitzik, trama hariekin mugitzen diren txotxongiloen bidez gauzatzen da, eta bestelako ezustekoekin. Ikuskizunak 50 minutu irauten ditu.

“Anita Maravillas Teatro” konpainia Pepe Otalek duen txotxongiloen tailerrean eratu zen 2005ean. Taldeko kide dira Miren Larrea, Valentina Raposo, Mireia Nogueras eta Iam Agorria. Horiek Eider Eibar, Ramón de los Heros, María Solà eta Karina Pizarroren laguntza jasotzen duelarik. Eta baita Dementira eta Duridi disenaitzaileena ere bai.

Sarean sun sun” familian gozatzeko ikuskizuna da. Sorginaren figura berreskuratzen du, ezinbesteko emakume protagonista hainbat eta hainbat ipuinetan: magikoa, gaiztoa, erromantikoa, bihurria, eta abar… Sorginik gabe, zein aspergarriak lirateke ipuinak!

Sinopsia

Nabarkorenaren etxean zer edo zer bitxia ari da gertatzen. Sorginak, magoak, alkimistak, titiriteroak,… onak ala gaiztoak, kopetilun edo alaiak, boteretsuak eta azkarrak… zein aspergarriak lirateke ipuinak sorginik gabe! Umorez eta samurtasunez beteriko ikuskizun bitxia!