Aste Santuko egunetan ordutegi bereziak izango udal zerbitzuetan

Aste Santuak atseden hartzeko egunak ekarriko dizkigunez gero, lanean etena ere badakarte eta horrek bere isla eta eragina izango duelarik udal zerbitzuetan. Udal Kirol Erakundeak (UKEk) iragarri duenez kiroldegia zabalik egongo da ordutegi murritzagoan. M.A. Blanco kiroldegiak goizez bakarrik -goizeko 9etatik arratsaldeko ordu 1etara bitartean- zabalduko du ostegun, ostiral, igande eta Pazkoa astelehenean. Asteburuan eta pazkoa asteko lanegunetan ohiko ordutegia mantenduko du. Larunbatean goizez, 9etatik ordu 1etara eta arratsaldez, 4etatik 8etara. Igandean, berriz, bakarrik goizez 9etatik ordu 1era. Pazkoa astean ordutegia ohikoa izango da. Martitzenetik aurrera, ohiko ordutegia, goizeko 8etatik gaueko 10etara bitartean etenik gabe.

Betiondoko instalazioa ordez, zabalik egonen da apirilaren 1tik 5ra bitartean, biak barne. Bere ordutegia 8:30etatik 14:30etara izanik. Apirilaren 3ko larunbatean goizekoaz gain, arratsaldez ere 16:00etatik 20etara irekita egongo da. Martitzenetik aurrera, bere ohiko ordutegia mantenduko du, eta baita asteburuan ere.

Liburutegia goiz eta arratsaldez irekita egongo da

Udal liburutegia zabalik egongo da hastear gauden Aste Santuko jai egunetan zehar. Dena den, bere ordutegia nolabait murritzagoa izango da, asteburuetan irekitzen duen modu berberean. Horrela, bihartik hasi eta datorren astelehenera bitartean, zerbitzua zabalik izango da goizeko eta arratsaldeko ordu batzuetan. Hau da, goizez 10etatik 14:00ra eta arratsaldez 17:00etatik 20:00etara, hain zuzen ere. Apirilaren 6tik aurrera, liburutegia bere ohiko ordutegira bueltatuko da, zabalik egonez etenik gabe goizeko 9,30etatik iluntzeko 8 eta erdietara bitartean.

Udaletxeak, Lobianok eta Emakumearen Topaguneak bost egunak itxiko dituzte

Bestalde, udaletxeko bulegoak –Abiapuntu barne-, Lobiano eta Emakumearen Topagunea itxita egongo dira 1etik 5era bitartean, biak barne. Martitzenetik aurrera, bere ohiko ordutegietara bueltatuko dira. Udalaren kasuan, goizeko 8etatik arratsaldeko 3etara bitartean, eta Emakumearen Topagunea, goizez 9:30 tik 13:30ra eta arratsaldez, 16:00etatik 20:00etara bitartean.

Udaltzaingoan tokatzen zaionari ez ezik ez da jairik egongo eta txandaka normaltasunez lan egingo dute, segurtasuna bermatzeko.