Abeletxe sektoreko Babes Ofizialeko 102 Bizitzen inaugurazio ekitaldia

Ermua Hiriko Udalak eta Eusko Jaurlaritzaren Etxebizitza sailak Abeletxe Egoitza Sektorean eraikitako Babes Ofizialeko 102 Etxebizitzak inauguratuko dituzte uztailaren 12ko astelehenean. Ekitaldia Abeletxe Egoitza Sektorearen plazan egingo da arratsaldeko 7etan. Ekitaldi horren buru izango dira Etxebizitza, Herri lan eta Garraio Sailburu Iñaki Arriola eta herriko alkate, Carlos Totorika. Horiekin batera, modu batera edo bestera, proiektu hau errealitate egiten parte hartu duten erakunde guztien ordezkariak ere bertan izango dira.

Ekitaldi horren barne agintari eta ordezkariek etxebizitzatako bat eta laster Alokairu Sozialeko 57 apartamentu eraikiko diren lursaila bisitatzera ere joango dira. Etxebizitzak eraikitzeko erabili den aurrekontua eta egindako inbertsioa guztira ia zortzi milioi eta zazpiehun mila (8.695.523 ) eurokoa izan da.

LARCOVI enpresak exekutatu duen proiektu horren ezaugarririk behinenak laburbilduta, ondorengoak dira

• 3.600 m² lursaila
• Babes Ofizialeko 102 Etxebizitza
• 102 garaje eta etxebizitzei loturiko beste horrenbeste trasteleku.
• Erregimen libreko beste 32 garaje.
• Markataritzarako 2 lokal.
• Eraikuntza U forma du, eta 40 x 80 metro ditu.
• Etxebizitzen tipologia: bataz besteko azalera 75 m².
• Eraikigarritasuna: 10.039 m².
• Eraikinak 2 solairu ditu sotoan, gehi behekoa eta beste 7 altuera
• 1.400 m² azalera duen eta erabilera publikokoa den plaza pribatua

Beranduago, LARCOVIk jatorrizko obra-lizentzia zabaltzea eskatzen du, lursailaren altimetria-kotak beste bi soto eraikitzea ahalbidetzen duelako, erregimen libreko 60 aparkaleku eta 18 trasteleku gehiago eraikiz.