2010eko Mugarriz mugarri irteera inoiz baino jendetsu eta arrakastatsuago

Jendetza bildu zen larunbatean herriko mugetatik zehar mendi ibilaldia egiteko. Ekimena Artarrai mendi taldeak antolatu zuen, izurgarrizko arrakasta eta erantzun ezin hobea lortuz. Izan ere, 215 lagun bildu ziren larunbatean herriko mugetatik ibilaldia egiteko. Mendizale taldea oso zabala eta anitza izan zen, haur, gazte nahiz gizon eta emakumeek batu baitziren. Eguraldia lagun izan zuten, eguzkiak ere horrelako ekimen polita galtzerik nahi izan ez zuelako. Ateri izan zen eta tenperatura atsegina mendian ibiltzeko. Taldeak antolatzaileen eskutik hamaiketakoa egin zuen Berano Errekalden. Bertara Alboka musika eskolako trikitilari taldea ere joan zen, festari are alaitasun eta kolore gehiago emateko. Parte hartzaile guztiek primeran pasatu zuten eta, egunaren oroigarri taldeko argazkia ere atera zuten bertan eta urko gainean.

Jendeak ederto pasa zuenaren frogagiri gisa, Artarrai taldeak utzi dizkigun argazkiak eskaintzen ditugu ondoren. argazkiok, jada, taldearen blogean ere jarri dituzte.