Negu eta udaberrirako Ipuin Kontaketa programa haurrentzat

Liburutegiak datozen lau hilabeteetan udal zerbitzuan egingo diren haurrentzako ipuin kontaketa saioak iragarri ditu. Guztira sei saio izango dira, horietako hiru ingelesez; "Story Time" eta beste hiru euskaraz; "Arratsaldean kontu kontari" euskaraz. "Story Time" saioak 2016 eta 2021 urteen artean jaiotako haurrentzat dira, eta "Arratsaldean kontu kontari" saioak aldiz, 2017 eta 2022 urteen artean jaiotakoentzat.

Jarduera honen helburu nagusia liburuekiko eta irakurketaren plazerrarekiko interesa txikitatik piztea da, nahiz eta ipuin kontaketek irudimena, sormena eta emozioak identifikatzen eta kudeatzen ere laguntzen duten, eta bertaratutako haurren hiztegia aberasten laguntzen duten.

Denboraldi honetarako programatutako saioak honako hauek dira:

• Urtarrila:
  • Urtarrilak 31, larunbata: “Akissi Goes on a Terrible Journey. Let’s Make a Comic!” Hannah Berryren eskutik.
• Otsaila:
  • Otsailak 21, larunbata: “Inauteri jostalari, inauteri kontalari” Iraitz Lizarragarekin.
• Martxoa:
  • Martxoak 7, larunbata: “Stories to Remember" Adam Redgroveren eskutik.
  • Martxoak 14, larunbata: “Zazpi loreen ipuina” Lur Usabiagarekin.
• Apirila:
  • Apirilak 18, larunbata: “Patchwork Stories” Annie Funnyrekin.
  • Apirilak 25, larunbata: "Sagu ipuinak” Amaia Puinekin.

Hasiera ordua 17:30 da eta sarrera doakoa. Hala ere, aldez aurretik tokia erreserbatu behar da Liburutegian, 943 17 92 12 telefonora deituz, WhatsApp (https://wa.me/34943179212) edo e-posta mezua bidaliz biblioteca@udalermua.net helbidera, haurraren izen-abizenak eta jaiotze-data adieraziz. Plazak izen-emate ordenaren arabera esleituko dira.

Saio bakoitzerako plazen erreserba ipuin kontaketa egiten den aste bereko astelehenean hasiko da.