Ermuak beilatokia eta errauspen-labea izango ditu

Ermuak beilatokia eta zendutakoak erretzeko errauspen-labea izango ditu. Udalbatzak atzokoan egindako Osokoaren Bilkuran aho batez onartu zuen 2010eko aurrekontuan kredituak gehitzeko hirugarren aldaketa egitea. Erabaki horrekin tanatorioa egiteko proiektua handitu eta hori egiteko beste 140.000 euro gehituko zaizkio. Eraikina gaur egungo kanposantuaren barneko eremuan jaso da, (Ermua Hambre eta Trabakuarekin lortzen dituen BI-2301 errepidearen alboan dagoen eremuan) eta lanak oso aurreratuak daude. Beilatokiak eta errauspen labeak guztira 440 metro karratu izango dituzte. Errauspen-labearentzat 50 izanik (5 metro luzera x 10 me sakoneran). Labea biltegiko hormaren alboan eta bertara sartzeko pasilloan atonduko da. Errauspen-labeak 187.000 euro kostatuko du, horren barne sartzen direlarik proiektua, obra zibila, labea bera eta gas propanoko depositua).

Proiektuan aurreikusitakoaren arabera eraikinak hiru beilatoki izango ditu. Eta baita ekitaldi zibilak egiteko beste areto handiago bat ere. Horiez gain, horrelako jarduera bat gauzatzeko beharrezkoak diren gainerako azpiegiturak ere izango dituelarik, esaterako: gorpuen tanatopraxia eta prestakuntzarako, hozte-sistemadunak, biltegia, erakusketa gela, sarrera, bulegoak, komunak, eta abar.) Eraikin hori, esan bezala gaur egungo kanposantuaren barneko eremuan jaso nahi da, Ermua Hambre eta Trabakuarekin lortzen dituen Bi-2301 errepidearen alboan dagoen eremuan, Pagorbe izenaz ezagutzen dugun horretan.

Proiektua Estatuko Fondoari atxikiz Enplegua eta Toki-jasangarritasuna 2010eko deialdira aurkeztutako proiektuen barne dago.

Jarraian, beilatokia barruko aldea eta banaketaren planoa eta bi argazki eskaintzen dizkizuegu: