Argitara eman ditu EMOEk zozketatu dituen zazpi otarren zenbaki irabazleak

Ermuko Merkatari eta Ostalarien Elkarteak (EMOEk) zozketatu ditu kideek emandako produktuez prestaturiko zazpi Gabon otarrak. Otarrok guztira 3.500 euroko balio dute eta zenbaki irabazleak zeintzuk izan diren gaur iragarri da, zozketa egin eta gero. Orain otarrak nori egokitu zaizkion ezagutzea besterik ez da falta. Produktu eta loteak Torrekua plazatxoan, Horacio arropa denda zenaren erakusleihoan izan dira ikusgai.

EMOEk herriko establezimenduen –Dendargitxo- iratxoa aurkeztu zuen larunbatean

Elkarteak herriko establezimenduen –Dendargitxo- iratxoa aurkeztu zuen larunbatean kalean egindako antzerki emanaldian. herriko establezimenduen –Dendargitxo- iratxoa Gabonetan guztia ondo ateratzeko erantzukizuna duena da. Dendargitxok jostailuen fabriketatik eraman gintuen bidaia magikoan. Bere inguruan zituen jostailuek bizia eskuratu zuten: dantzaria, pailazoa, peluxezko hartza, eta abar…

Herriko kaleetan egindako ibilbidean iratxoaren eta jostailuen istorioa kontatu zen geldialdi bakoitzean. Herriko denden garrantzia, sarri azpimarratu zen ideia da, pertsonaiak edozer behar zutenean eskura eta modu azkarrean eskuratu zezaketelako, eta, etxetik hain hurbil. Arratsaldeari amaiera emateko, plazan animazio jolasak egin ziren haur nahiz helduentzako. Bertan paraxut handi bat zabaldu zen, ikusleak emanaldian inplikatzeko. Bertaratutako haur eta gaztetxoei puxikak eta gozokiak eman zitzaizkien.

Jarduera honek zonaldeen kooperazio, dinamizazio, eta hiri lehiakortasuna pizteko Eusko Jaurlaritzak ematen dituen diru-laguntzak jaso zituen.