‘Wyoming y Los Insolventes’ taldearen kontzertua Antzokian

Ermua Antzokian ‘Wyoming y Los Insolventes’ taldearen zuzeneko emanaldia ikusi ahal izango dugu ostiral gauean. Taldeko kantari eta gitarra jolea Gran Wyoming ospetsua da. Emanaldia gaueko hamarrak eta laurdenetan hasiko da. Sarrerak 12 euro balio du. Jada salgai daude eta aldez aurretik eros daitezke Lobiano Kulturgunean, zabalik dagoen ordutegian. Edota, ostera, ikuskizuna hasi artean, takilan bertan. ‘Rock and Roll Hoochie Koo’ eta ‘Jet Airliner’ bezalako abestiak joko dituzte, pertsonai polifazetiko honen eta bere taldea ikustera hurbiltzen direnen gozamenerako.

“Wyoming y los Insolventes“ bertsioak egiten dituen musika banda da. La musikarik osatzen dute, Wyoming ospetsuak eta hiru gazte oso finak eta talentu handikoak (La Última Experiencia talde ohiko kideak). Merezi duen ikuskizuna da, galtzea galera izanik. Bateria-jolea benetan ona da, ziurrenez etorkizuna handiko musikaria.

Wyomiren hainbat datu pertsonal eta ibilbidea

José Miguel Monzón Navarro da bere benetako izena (Madril, 1955ko maiatzaren 15a). Ikasketaz medikua da eta ofizioz umoregile, antzezle, zuzendari, idazle, musikari eta telebistako aurkezlea. Ponte izen-abizenaz baino “El Gran Wyoming’ goitizenaz da askoz ere ezagunago, Wyoming edo Wuayo aldaerak ere erabiltzen direlarik hura izendatzeko. Gaur egun La Sexta telebista kateko aurkezle da, bertan El intermedio programa izanik. Horrez gain, artikuluak ere idazten ditu, Publico egunkarian.

Esan bezala Madrilen jaio zen, Aragoin jatorria zuen botikari senide batean. Medizina ikasi eta lizentziatu zen. Mediku egon zen Buitrago de Lozoya herrian eta baita ere barruko mediku egoiliar gisa, Madrilgo Jimenez Diaz Fundazioan. Lanbide hori alde batera utzi zuen betirako, espektakuluaren munduan buru-belarri murgiltzeko.

Hasieran, Parcelso musika taldearekin aritu zen. Aurrerago, ikuskizun musikal eta komikoak eginez Angel Muñoz Alonso piano-jolearekin batera.