Ekintzailetzatik jauzia enpresara: erakunde arinak ekonomia dinamikoetan

Toki-garapeneko jardunaldiek bere laugarren eguna gauzatuko dute bihar. Buru-belarri gaudenez gero, egunak goiz eta arratsaldeko saioak izango ditu. Egunari hasiera emango diogu goizeko bederatzi eta laurdenetan. Totorika alkateak agurra egin, hizlariei ongi etorria eman eta horiek buruak aurkeztuko ditu. Bederatzi eta erdietan, lehen hitzaldia ekingo da. ‘Plain Concepts’ enpresatik datorkigun, Rodrigo Corralek, proiektuen kudeaketa arinaz eta izandako esperientziaz eta lortutako mailaz mintzatuko zaigu. Segidan, beste hiru ordu laurdenetan, Zeuxa Solutions enpresako koordinadore orokorraren, Iosu Ansolaren, txanda izango da. Honek, Kudeaketa arinaz eta ziurgabetasuna izango ditu hizpide.

Kafea eta arnasa hartzeko atsedentxoaren ondoren, GBE-NER Elkarteko koordinatzaileak “harreman estilo berriaz arituko da, pertsonengan oinarrituriko proiektuez jardungo duelarik. Goizeko saioa amaitzeko, SPRI sozietatetik datorkigun Josu Okarizek Compite 2011 Egitarauaren xehetasunak azalduko dizkigu. Otorduaren ondoren, tailer dinamikoa gauzatuko dute arratsaldez ‘Ekilia’ enpresako sortzaile eta hezitzaile diren Arrate Iraolagoitia eta Judith Castillok “pertsonen kudeaketa erakunde arinetan” titulukoa, hain zuzen ere.