Asteazkenean egingo da, martxoari dagokion ohiko Osoko Bilkura

Udalbatza Osoko Bilkurara bilduko da asteazken goizean. Bilerak ohiko izaera izango du eta hamarretarako deituta dago lehen deialdian, eta orduerdi beranduago bigarrenean bada. Udalbatzak hilero egin legez, azken asteetan batzordeetan landu dituen hainbat gai erabakitzeko bilduko da Osoko Bilkurara. Eguneko gai-zerrenda zortzi puntuk osatzen dute.

Lehenengoan aurreko bilkuretako hainbat akta onartuko dira. Hurrengo bietan,alkate-dekretu biren berri emango da, 2010eko kitapena onesteari buruzkoa eta kreditu geldikinak gehitzeari buruzkoa. Laugarren puntuan, Betiondoko bizitegi sektoreko kale berrien izenak onartuko dira. Bosgarrenean, Ermuko udala administrazio guztientzat leihatila izan dadin EJarekin hitzarmena sinatzea onartuko da. Segidako bi gaiak, hirigintzakoak izango dira. Aldapa Iparraldea 9-1 EU urbanizatzeko proiektuaren aldaketa eta horren antolamendu xehatuaren barruan aldaketa egiteko plan berria hasierazko izaera bi kasuetan onartzea, hurrenez hurren. Azken puntua, eskari-galderak izango dira, baldin badaude.

Gai-zerrenda ikusteko, eragin azpiko informazio gehiago izeneko atalaren gainean.