M22an hauteskunde-mahaiak osatuko dituztenak zozketaz izendatuko dira

Udalbatzarra bihar goizean bilduko da maiatzaren 22an Toki eta Foru hauteskunde egunean hauteskunde-mahaietan jardungo duten pertsonak zozketa bidez izendatzeko. Organoa ezohiko Osoko Bilkurara bilduko da goizeko 10:00etatik aurrera. Bilkura hori irekia eta jendaurrekoa izango da –gainerako guztiak bezala- hortaz ausazko prozedura informatikoen bidez zozketa eta izendapenak egiteko prozesua zuzenean ikusteko interesa izan ditzaketen pertsonek bertara joan ahal izango dira.

Gai-zerrendak gai bakarra izango du. Agiri hori eskaintzeko, iragarki-oholari lotura egin diogu eta, horretara ailegatzeko, nahikoa da azpiko informazio gehiago izeneko atalaren gainean eragitearekin.