PSEk gehiengo soila lortu du, botoetan atzera egin eta gero

Ermuko Partidu Sozialistak gaurko udal hauteskundeetan bozkatu dutenen ermuarren babesik handiena lortu du. Carlos Totorika hautagaia buru zuen zerrendak 3.036 boto bildu ditu (%37,67). Boto horiei esker sozialistek zazpi zinegotzi izango dituzte hurrengo legegintzaldian, hau da gehiengo soila. Udalbatza hamazazpik eratzen baitute. Emaitza horrekin, PSEk bi zinegotzi galdu ditu, bederatzik zazpira jaitsiz.

Bigarren alderdi gisa Partidu Popularra suertatu da, 1647 txartel bildu baititu (botoen %20,44). Horri esker, 4 zinegotzi mantenduko ditu, zituenak beste. Boto kopuruaren araberako zerrenda horretan, hirugarren tokia Bildu berriarentzat izan da, indartsu sartu baita 1.429 boto eskuratuz gero (botoen %17.73). Bilduk hiru zinegotzi izango ditu. Laugarren, EAJ geratu da 1.027 txartel jaso eta gero (botoen %9,10). Honek zituen bi ordezkariak mantentzea lortu du. Azkenik, sailkapenean EB-Berdeak geratu da 733 txartel lortuz, kopuru horri esker ordezkari bat izango du Udalbatza berrian.

Ermuan gaur 8.164 pertsonek botatu dute, hautesleen %61,89. Parte-hartzea duela lau urterekin alderatuta, 1,89 puntu igo delarik. Emaitzak behin-behinekoak dira, Durangoko Hauteskunde Batzordeak jardunaldiko agiriak aztertu eta ontzat eman artean. Une horretan, behin betikotzat joko ditu organo horrek.

20011-2015 legegintzaldian Ermuko Udalbatza osatuko dutela aurreikusten direnen behin-behineko zerrenda –aldaketarik ez bada behintzat- ondorengoa da:

2011-2015 legintzaldiko udalbatzaren kideak seguruenik

Partidu politikoak	Zinegotzi izango direnen argazkia, izena eta abizenak
PSE-EE PSOE	Carlos Totorika Izagirre	Lorena López García	Félix Prol Salgado	José Luis Clemente Albiz	Natividad Alonso Estalayo	José Luis Araujo Araujo	Miguel Ledesma Piñeiro
PP	Fernando Lecumberri Gaisan	Virginia Arroyo Aburto	Francisco Javier Pérez Navarro	Mónica Marín Peñuelas
Bildu	Jesús María Sarasua Urriolabeitia	Manuel Graña Fernández	Iker Sáenz de Zaitegui Perrino
EAJ-PNV	Jol Gisasola Garai	Arritokieta Araiztegi Arrizabalaga
EB-B	Rosa María Caballero Rubio

Gauzak aurreikusita dauden bezala eta gorabeherarik ez badago Udalbatza berria ekainaren 11n eratuko da Osokoaren ezohiko bilkura batean. Bilkura hori larunbat goizez egingo da. Datozen lau urtetarako alkatea ere bilera horretan aukeratuko delarik.