Biolentzia matxistaren aurkako kontzentratzioa egingo da gaur arratsaldean

Ermuko Indarkeria Matxistaren Aurkako Taldeak (IMATek) kontzentrazio isila deitu du gaur arratsalderako. Elkarrataratzea plazan egingo da ordu erdiz, 8etatik 8:30etara bitartean. Taldeak deia egin eta herriko etxebizitzetako portaletan kartelak banatu ditu, Hernanin emakume baten azken hilketari erantzuteko.

Deialdian horrelako jarrerei amaiera emateko eskatzen da: “biolentzia matxistarik ez” aldarrikatzen da; “ez Ermuan, ez Hernanin, ez beste inon”. Kartelean horrelakorik “ez egiteko, ez justifikatzeko eta ez ahalbidetzeko” eskatzen zaigu herritarroi, matxismoak hilketak eta heriotzak dakartzalako. Gizon eta emakumeen arteko berdintasunarekin bat datozen guztiak gaur kontzentrazio isila egiteko eta azken heriotza hori salatzeko bilduko dira plazan.