Ongarai eta Zerukoan bide seinaleak pintatuko dira lurrean

Hiritarren Segurtasunerako Alorrak Ongarai eta Zerukoa auzoetan bide markak pintatuko ditu. Horretarako enpresa baten zerbitzuak kontratatu ditu eta zereginak koordinatuko, lanak azkar eta ahal den neurrian eragozpenik txikienarekin egin daitezen. Pintaketa lanak bihar eta etzi egingo dira –asteazken eta ostegunean-. Lanak Ongarai auzoko 12. eraikinetik 17ra arteko etxebizitzetako bizilagunei eragingo die, eta baita Zerukoa auzoko 3. kaleko 1etik 7ra artekoei ere, inguruetan dituzten aparkalekuak pintatuko baitira.

Zonalde bi horietako kale eta aparkalekuen bide seinaleak berritu eta pintatuko dira. Herritarren Segurtasunerako alorrak horren guztiaren berri emateko eskutitzak bidali dizkie kale eta etxebizitza horietako egoiliarrei. Idatzian bizilagunen laguntza ere eskatzen da. Udaltzainek idatzian ondokoa diote: “pintaketa lanak azkar eta egoki egite aldera, eskertuko dizuegu ibilgailuak goizeko 8ak baino lehen kentzea”.