Oinezkoen pasabideetan segurtasuna indartzeko argi-balizak jarri dira

Udalak argi-balizak jarri ditu udalerriko oinezkoen pasabide batzuetan, ikuspena hobetzeko eta oinezkoen segurtasuna indartzeko, batez ere argi gutxiko orduetan edo eguraldi-baldintza txarretan.

Ikusmena indartzea lau puntu estrategikotan

Led balizak honako puntu hauetan instalatu dira:

• Probalekurako sarbidea: jarritako balizak gorriak dira, ibilgailuak zamalanetarako edo garajeetarako soilik sar daitezkeen oinezkoentzako gunea baita. Argiek debeku-seinalea indartzen dute, ibilgailu partikularrak bidegabe sartzea eragozteko.
• Okinzuri gaina, Goitondo industrialderako azken urratsa.
• Zearkale, Urtia industrialderako azken oinezkoen pasabidea.
• Areitioko jaitsiera, Lomi-powereko lurpeko pasabidearen ondoan.

Azken hiru kasuetan, distira ematen duten balizak jarri dira, oinezkoen pasabidea hobeto ikusteko eta gidariak aldez aurretik ohartarazteko.

Segurtasuna eta kontrola eremu sentsibleetan

Probaleku kasuan, dauden seinaleak indartzen dituen sistema berriaz gain, Udaltzaingoak zaintza areagotzea aurreikusten du, araudia betetzen dela bermatzeko eta oinezkoen zirkulaziorako erreserbatutako espazio hori babesteko.

Jarritako sistema osagarriek Udalak bide-segurtasunarekin, mugikortasun jasangarriarekin eta pertsonak ardatz dituen hiri-eraldaketarekin duen konpromisoaren barruan kokatzen dira.