Hainbat ibilgailutan kalteak eragin dituen ustezko egilea identifikatu eta inputatu egin du Udaltzaingoak

Ermuko Udaltzaingoak 48 urteko gizonezko bat identifikatu eta inputatu du, hilaren hasieran udalerriko aparkaleku batean aparkatuta zeuden ibilgailu batzuen pinturan objektu zorrotz batekin eragindako kalteen ustezko egile gisa.

Azaroaren 2an hainbat herritarrek salaketa jarri zuten asteburuan zehar San Antonioko aparkalekuan utzi zituzten autoen karrozerian kalteak –marra sakonak- aurkitu zituztelako. Duela gutxi herriko beste toki batzuetan antzerako beste gertaera batzuk ere erregistratu dira.

Udaltzaingoaren patruila bertaratu eta aparkatutako ibilgailuak ikuskatu zituen, zazpi auto gehiagok ere antzeko kalteak zituztela eta patroia edo ‘modus operandi'-a bat zetorrela egiaztatuz.

Ikerketari hasi eta agenteek udalerriko hainbat tokitan jarritako trafiko-kamerak aztertu zituzten. Urriaren 31tik azaroaren 1erako gaueko irudietan, pertsona bat ikus zitekeen kalteak eragiten giltza batekin ibilgailuen karrozeriak markatzen. Irudi horiek oinarri izan dira ustezko erantzulea identifikatzeko eta kalte delituagatik inputatzeko.

Udaltzaingoaren bozemaileak ez du baztertzen ibilgailu gehiago kaltetuta izatea, eta jabeei gomendatzen die salaketa jar dezatela kalteak jasaten dituzten bakoitzean.