Ermuan eta Eibarren egingo da pertsona guztien kultura arteko X. Topaketa, igandean

Immigranteei laguntza emateko Euskadiko koordinadorak, Harresiak apurtuz izenkoak, pertsona guztien kultura arteko X. Topaketa ospatuko du datorren igandean Ermua eta Eibarren. Edizioaren leloa “Mundu bereko auzokideak’” da. Topaketak Ermua eta Eibarko Udalen, Bizkaiko eta Gizpukoako Foru Aldundien, Eusko Jaurlaritzaren, BBk erakundearen eta hainbat gizarte eragileren babesa eta laguntza jasoko du.

“Mundu bereko auzokideak” lemapean ehunka pertsona biltzea espero dira bi udalerrietako espazio publikoetan ‘eskubideetan berdintasuna aldarrikatuz’ Eibartik aterako eta Ermuan bukatuko den martxan. Ermuko San Pelaio parkean harrera egingo zaie erakunde sozialei eta manifestu bat irakurriko da, ondoren bazkari herrikoi bat egiteko. Jateko paella erraldoia prestatuko dela iragarri dute.

Jarduera honen bitartez, kultura artekotasuna eta bizikidetza sustatu nahi dira, eta horrekin batera, plataforma bat izan nahi da pertsona guztien eskubideak aldarrikatzeko eta gizartean bizi ditugun bidegabekeriak salatzeko.

Aurreko urteetan bezala, 2011 honetan ere antolatzaileek 1.200 pertsona inguru biltzea espero dute, hiru lurralde historikoetatik etorriak eta 20 nazionalitate baino gehiagotakoak; beraz, aukera paregabea da herritarrekin harremanetan egoteko. Aldi berean, baita pertsona guztiak protagonista diren mugimendu parte-hartzaile batean egoteko aukera ere.

Ez galdu ekitaldi aldarrikapen izaera izango duen ekitaldian parte hartzeko aukera, bildutako guztiek jai giroan konpartituko baitugu kultura ezberdinen arteko gunea.