Almodovar eta Depardieuren lanak ikusgai, asteko zine eskaintzan

Aste honetako zineklubak komedia frantsesa proposatzen digu: Mammuth titulukoa. Zuzendaria Benoit Delepine eta Gustave de Kervern dira eta aktone nagusia Gerard Depardieu da. Mammuth atseden hartzeko eta jubilatzeko unea dela erabakitzen duenean, konponbide zaileko egoeran aurkituko du bere burua. Pentsioa kobratu ahal izateko bere lan-bizitza kaotikoaren ibilbidea egiaztatu beharko du. Hori horrela, agiri guztiak biltzeko xedez atsedenik gabeko bidaiari ekingo dio bere motorraren gainean. Mammuth ostegun iluntzean, zortzi eta erdietan pasako da jatorrizko bertsioan, azpitituluekin.

Asteburuko filma garrantzitsuena Pedro Almodobarren azken lana da, La piel que habito titulukoa. Estreinakoz larunbat arratsaldean ikusi ahal izango dugu, zazpi eta erdietan. Parte hartzen duten aktoreak Antonio Banderas, Marisa Paredes eta Elena Anaya dira. Filmean zirujau plastiko baten istorioa kontatzen da, zeinak gizaki batean larruazal sintetikoa lortzeko esperimentuak egin nahi dituenak, erreak dituen emaztea sendatzeko. Almodovarren lanekin gertatzen denari jarraiki, batzuk lana goraipatu egiten duten bitartean, beste hainbat ez dio inolako balio artistikorik ikusten lan honi. Filma igandean eta astelehenean ere ikusteko aukera izanen dugu. Hain zuzen ere, igande gaueko hamarretan eta astelehen iluntzeko zortzi eta erdietan.

Asteburuko bigarren eskaintza nagusia Seth Gordon zuzendariaren Cómo acabar con tu jefe komedia dibertigarria da. Lagun talde eslkartu eta mozkortu egiten da, gau horretan norbere nagusiarekin akatseko plana pentsatuz erabat mozkor daudela. Komedia erradikala da, luxuzko aktoreak dituena, esaterako, Kevin Space, Jeniffer Aniston, Colin Farrell eta Donald Sutherland. Cómo acabar con tu jefe larunbat gaueko hamarretan eta igande arratsaldeko zazpi eta erdietan ikusteko aukera izango dugu.

Azkenik, igandean eta haurrentzako saioan Animal United proiektatuko da, 3Dimentsiotan. Animazioazko filma harrigarria da ekologismoaren aldarrikapena egiten duena. Filmak kontatzen du animaliek matxinada prestatzen dutela, gizakiek merkataritzaz gidaturik ura xahutzen dietelako kokoteraino baitaude.