‘Leo Harlem y amigos’ ikuskizunaren bigarren emanaldia izango da Antzokian

Udal Kultura Sailak ‘Leo Harlem y amigos’ ikuskizunaren bigarren saio bat eskainiko du, azaroaren 11ko ostiralean bertan –San Martinen bezperan-, arratsaldeko zortzietan. Bigarren ikuskizun horretarako sarrerak jada, salgai daude BBK entitatearen orotariko kutxazainen bidez hasita baitago aldez aurreko salmenta. Kultura sailak Divertia Smile Company produktorarekin bigarren emanaldia hitzartu du, hasieran gaueko hamarrak eta laurdenetarako aurreikusita zegoen funtzio bakarrerako sarrera guztiak aitaren batean agortu ondoren. Laburbilduz, ordu erdiz barrezka lehertzen egoteko bigarren aukera bat izanen dugu.

Bere lagunek egindako broma bortitzaren ondorioz bere bizitza erabat aldatu zen, izan ere, gauetan lagunen arteko protagonista izatetik “El Club de la Comedia” txapelketako finalista izatera pasa zen. Geroztik lagunek “gauza guztien, denaren gidoilaria” dela esaten dute, bizitzako gauza txikiak islatzen baititu oso era errazean, harrigarrian eta imitaezinean. Leok bakarrizketalari peto petoa zela deskubritu zuen eta orain dela bi urtetik bere bakarrizketak idazten eta antzeztea da bere bizitzeko moduan ditu, emanaldiak Espainia osoan zehar emanez. Aurtengo bere tour edo jiran zehar 200 ikuskizun baino gehiago egingo ditu eta arrazoi horregatik oso komiko miretsia da bere lankideen artean.