2012 urteko Ordenantza Fiskalak mintzagai izango ditu bihar Udalbatzak

Udalbatza Osoko Bilkurara bilduko da asteazken goizean. Bilerak ezohiko izaera izango du eta goizeko hamarretarako deituta dago lehen deialdian, eta ordu erdi beranduago bigarrenean bada. Udalbatza 2012. urteko Ordenantza Fiskalak izango ditu hizpide eta ardatz bilera horretan. Eguneko gai-zerrenda lau puntuk osatzen dute.

Lehenengoan EAJ/PNV udal taldeak 2012ko Ordenantza Fiskalak aldatzeko proposamena bertan behera utz dadila eskatuz aurkeztu duen osorik zuzentzeko aurketu duen idatzia jorratuko da. Bigarrenean, 2012. urterako Ordenantza Fiskalak onartu ala ez bozketara jarriko da. Hirugarrenean, Udal Kirol Erakundeak bere Ordenantza aldatzeko hartu duen erabaki berretsiko da. Laugarren eta azkenean, Emakumeenganako indarkeriari aurre egiteko Nazioarteko Eguneko -azaroaren 25eko- adierazpena onartuko da.

Gai-zerrenda ikusteko, saka azpiko informazio gehiago izeneko atalaren gainean.