Emaitzak: PSE-EE: 2.970; PP: 2.548; EAJ-PNV: 1.225; Amaiur: 1.148; IU-LV: 690

Partidu Sozialistak gaurko Gorte Nagusietarako hauteskundeetan botorik gehienak lortu ditu gure herrian. Rubalcabaren alderdiak guztira 2.970 bozka (%32,32) lortu ditu, hautesle-erroldak Ermuan izan duen 13.160 hautesle posibleetatik. Bigarren alderdi botatuena Partidu Popularra izan da, zeinak 2.548 bozka (% 27,73) lortu dituen.

Boto kopuruaren araberako zerrenda horretan, hirugarren tokia EAJ-PNVri egokitu zaio 1.225 (13,33%) botorekin. Bere atzetik, laugarren Amaiur geratu da, 1.148 (% 12,49). Azkenik, lehen sailkapenean honetan EB-Berdeak geratu da bosgarren 690 txartelekin. Kongresurako emaitzen datu zehatzak ondorengo taula grafikoan eskaintzen ditugu:

2011ko Gorte Nagusietarako Hauteskundeen behin-behineko emaitzak

Ikonoa	Talde politikoa	2011ko botoak	botoak (%)	2008ko botoak
	PSE-EE PSOE	2.970	33,17%	4.941
	PP	2.548	28,46%	2.544
	EAJ-PNV	1.225	13,68%	1.051
	AMAIUR	1.148	12,82%	-
	IU-LV	690	7,71%	559
	UPyD	290	3,24%	-
	OTROS	236	2,57%	44

Ermuan hautesleen %70,59 bozkatu du gaurkoan, parte-hartzea duela lau urterekin alderatuta, puntu eta erdi jaitsi delarik. Emaitzak behin-behinekoak dira, Durangoko Hauteskunde Batzordeak jardunaldiko agiriak aztertu eta ontzat eman artean. Une horretan, behin-betikotzat joko ditu organo horrek.

Senatuko emaitzarik ez dugu gaur emango. Bihar arte itxarongo ditugu, datuak oso berandu jaso eta ezagutzea espero baita, nominatiboak direlako.