Marimendi taldearen aurkezpena. Andeetara eginiko ibilbidearen ikus-entzunezkoa

Marimendi taldea 2006an eratu zen. Beraien aldarriak ondokoa esaten du: “Emakumeak gara marimenditarrak. Berrogei urte beteak ditugu. Euskaldunak gara bihotzez eta mintzoz. Kirola maite dugu, bereziki mendia, mendi zaleak gara hartara, eta gure atseginerako eta gu bezalako askorentzako akuilu gisa jardun nahi dugu.

Emakumea eta mendia hurbildu nahi ditugu, eta erakutsi ez dagoela mugarik norberaren garapen pertsonalean, norberak bere buruari jartzen dizkionetatik at. Ezta aisia gozatzeko unean ere.Gaur arratsaldean ezagutzeko aukera izango dugu, Lobiano Kultur Gunean izango baitira arratsaldeko zazpi eta erdietatik aurrera. Beren burua aurkezteaz gain, ikus-entzunezkoa aurkeztuko dute, Peru herriko Andeetara eginiko ibilbideaz. Ekitaldia Artarrai mendi taldeak antolatu du eta aurtengo San Martin kulturalaren barne txertatzen da.