Ados Teatroa, Wilt antzelana aurkeztuko du Antzokian

Ados Teatroa, ‘Wilt’ antzezlana dakar gaur gauean Ermua Antzokira. Ikuskizuna gaueko hamarrak eta laurdenetan hasiko da. Sarrerek hamar euro balio dute eta jada BBK entitatearen orotariko kutxazainen sarearen, webgunearen, edo telefonoaren bidez erosi ditzakegu. Eta baita ere, Lobiano Kulturgunera bertara joanda. Lana Tom Sharpe idatzitakoa da. Hori oinarri harturik, moldaketa egin delarik. Garbi Losadak zuzentzen du antzezpena. Antzezleen artean, aktore ospetsuak ditugu Mikel Laskurain, Aitziber Garmendia, Ainere Tolosa eta Xabi San Sebastian, hain zuzen ere. Antzezpenean ez da Mikel Losada aktore ermuarra egongo, nahiz eta horrela iragarrita egon. Antzezpena euskara hutsean izango da.

Sinopsia

Thom Sharpe benetako erreferentea da gaur egungo umorezko literaturan. Mende honetako libururik komikoenetakoa dugu Wilt eta dagoeneko 10 milioi baino saldu dira. Bertan, literatura irakaslea, desagertutako emaztea, hormigoian sartutako panpina puzgarria, poliziaren ikerketa zentzugabea eta beste egoera surrealista asko nahasten dira. Sharpek haien guztien kontra egiten du, iseka eginez.

Familiari, hezkuntzari, aberatsei, behartsuei, ikasleei, poliziari, elizari, haragizko pastelei, komunerako detergenteari barre egiten die. Ezer ez zaio ihes egiten haren ikuspegi ironikoari.