HLPPko ikasleen desfilea: Emakumea, bilakaera eta adierazpen estetikoa

Ermua-Mallabia Lanbide Hastapenerako Ikastegiak amaiera emango dio aste honetan ikasturteari, desfile batekin. Jarduera ile-apaindegi tailerreko kideek gauzatuko dute eta horri jarri dioten titulua "Emakumea, bilakaera eta adierazpen estetikoa" da. Desfilea asteazkenean –ekainaren 20an- egingo da Lobiano Kulturguneko auditorioan, arratsaldeko bost eta erdietatik aurrera.

Ile-apaindegi tailerrean jardun duten kideek emakumearen itxura eta irudiaren inguruko bilakaera historian zehar aztertu eta ikasi dute aurtengo ikasturtean. Urtebeteko lanaren ondoren, desfile bat antolatzea erabaki dute, ikusi eta ikasitakoa praktikara eraman eta jendaurrean erakustek, modu labur eta entretenigarrian. Laburpen animatu horretan garai historiko bakoitzaren aspekturik esanguratsuenak jaso eta erakutsiko dute.

Desfile honek HLPPko ikasleak izango ditu protagonista eta hainbat erakustaldi egingo dituzte zuzenean apaindutako orrazkerak eta garai honetako jantzi propioak erakutsiz, emakumearen gorputz-irudia bere testuinguruan kokatuz aldi berean.

• HLPPko ikasleak egingo duten desfilea iragartzen duen kartela