N-634a eta A-8ko ordainlekua itxi egingo ditugu gaur, saihesbidea egin dadila eskatzeko

Ermuarrok hirugarrenez manifestatuko gara gaur arratsean saihesbidearen beharra aldarrikatzeko eta Foru Aldundiari urtarrilean eta bere kasa geldiaraztea erabaki zituen lanak berrekin ditzala eskatzeko. Joaquin Colmenero –PSE-PSOE-, Jesus Isasi –PP- eta Aitor Torre –Bildu- alderdietako Bizkaiko Batzar Nagusietako kideek deialdiarekin bate eginen dutela adierazi eta Ermuan izango direla baieztatu dute, manifestazio eta protestan parte hartzeko.

Arratsaldeko zazpietatik aurrera eta ordu erdiz, ermuarrok N-634 moztu eta A-8 autobidearen ordainlekuaren aurreko errepidean jarriko gara lurrean, Aldundiari proiektuari berrekin diezaiola eskatzeko. Manifestazioa Udalbatza osatzen duten bost alderdietatik lauk deitzen dute –PSE-PSOE, PP, Bildu eta Ezker Anitza-IU- heriko hainbat kolektiborekin batera. Manifestazioa herriko hotelaren aurretik abiatuko da A-8 autobideak herrian duen ordainlekura iristeko eta errepidean bertan jarrialdia egiteko. Trafikoa ordu erdiz etenda egongo da, arratsaldeko zazpi eta erdietara bitartean.

Ni ere, banoa! Azken egunetan gure herrian asko entzuten den esaldia da. Baiezko horrekin pertsona eta giza, kirol, kultur eta izaera oroko elkarteek beren atxikimendua adierazten dute Bizkaiko Foru Aldundiak Ermuko saihesbidearen lanak geldiarazi eta atzeratzeko hartu duen erabakiarekin gure desadostasun agertzeko manifestazioan izango garela adieraziz. Manifestazioak ‘Ermuko saihesbidea, eta kitto’ lema izango du, beste behin.