Odol-emateko beste aukera bat izanen dugu

Ermuko Odol Emaileen Elkarteak (Donaser izenekoak) odola emateko saioa berria antolatu du gaurko, abuztuaren 23ko ostegunerako. Nahi dugun bizilagun guztiok odola eman ahal izango dugu, Transfusio eta Giza Ehunen Euskal Zentroak herrira ekarriko duen unitate mugikorrean. Unitate hori gaur elkarteko egoitzaren aurrean jarriko da, Herga tabernaren aurrez aurre Orbe Kardinalaren plazaren ondoan. Unitate Mugikor hori arratsaldean Ermuan izango da eta odol-emateak egin ahal izango dira bostetatik gaueko zortzi eta erdietara.

Odol-emaileok jakinaren gainean gaude, deialdiero sms mezu batzuk jaso baititugu gure esku telefonoetan, non jakinarazten zaigun deialdiaren berri. Mezua transfusio Euskal Zentroarena da eta horretan eskerrak ematen zaizkigu gure laguntzagatik. Herritarrek ere, jakinaren gainean daude, Donaser elkarteak, kartelak jarri baititu etxebizitzetako atarietan.