Udalbatzak bere jarduerari buruzko indize eta datuak argitara eman ditu, webgunean gardentasunaren atal propio prestatuz

Nazioarteko Gardentasuna Espainia deritzan Gobernuz Kanpoko Erakundeak aztertzen dituen sei gauzak biltzen ditu atal berriak. Udalen Gardentasun Indizea (ITA) deritzanaren bidez udal kudeaketaren gauzarik behinen erradiografia ematen duena

Gardentasuna gaur egun testuinguru politiko, ekonomiko eta sozialean beharrezkoa bezain funtsezko balioa da. Gardentasuna herritarrek jakiteko eskubidearekin lotuta dago, eragiten dieten erabakien gainean aski informaturik egotea eskatzen dutelako. Udalbatzak aurrerapausoa garrantzitsua ematea erabaki du, bere jarduera eta kudeaketaren gauza guztiak atal propio batean bildu, ITAren araberako egiturari jarraiki egituratuz. Atzo goizean egindako Gai Orokorren Batzordera etorritako zinegotziek atal berriaren eta edukiaren zehetasunak jasan zituzten, guztiek jakinaren gainean izanik, gaur atala agerian eta portadan uzten dugu guztion ezagutzarako.

Herritarroi administrazioa hurbiltzeko lanean sakondu nahi du Ermuak, zuzentasun soziala eta eraginkortasun ekonomikoa lortzeko asmoz, horretarako ditugun jardueren inguruan eta Ermuarrok eskura ditzakegun zerbitzu eta prestazioen inguruan informatuz; Udalaren gardentasuna garatu eta bultzatuz. Hortaz, hobekuntzatik, berrikuntzatik eta garapen jasangarriaren aldetik, Ermua bizitzeko leku atsegin, ireki eta parte-hartzaile bihurtzea den gure misioa lortu nahi dugu; non pertsonak partaide sentitu eta libertatean zein berdintasunean garatu ahal diren, euren behar eta itxaropenei erantzungo dieten udal zerbitzuak, hartarako, eskainiz.

Helburu hau betetzeko asmoz, 2008. urtean, Espainiako Udalek herritarrekiko eta, orokorrean, gizarte osoarekiko duten benetako gardentasun eta informazio indizea ezagutze aldera, Nazioarteko Gardentasuna Espainia izeneko gobernuz kanpoko erakundeak (www.transparencia.org.es) Udalen Gardentasun Indizea (UGI) abian jarri zuen. Orduko horretan garatutako metodologiara moldatuta gure udal Web orrian atal berria sortu dugu.

Horrela, Gardentasunaren Indizeari dagokion informazio guztia eskuragarri dago eta herritar guztiek erraz kontsultatzeko moduan aurki dezakete.

Indize hau 80 adierazlek osatzen dute. Ondoren azaltzen diren sei ataletan banaturik udalen informazioa publikoa ebaluatzen dutenak:

1. Udalbatzarrari buruzko informazioa:
   • Udaleko kargu hautatuei eta langileei buruzko informazioa
   • Udalaren antolamendu eta ondasunari buruzko informazioa
   • Udal arau eta erakundeei buruzko informazioa
2. Udalak herritarrekin eta gizartearekin duen harremana:
   • Herritarrei informazioa eta arreta ematea
   • Udalak herritarren duen kompromiso-maila
3. Ekonomia- eta finantza-gaien gardentasuna:
   • Kontabilitate eta aurrekontuari buruzko informazioa
   • Gardentasuna Udalaren sarrera eta gastuetan
   • Gardentasuna Udalak dauzkan zorretan
4. Zerbitzuen kontratazioetan gardentasuna:
   • Zerbitzuak kontratatzeko prozedura
   • Hornitzaile eta kontratistekin Udalak dituen harremanak eta horiekin egiten dituen eragiketak
5. Gardentasuna hirigintza eta herri-lan gaietan:
   • Hiri-antolamendurako planak eta hirigintza-hitzarmenak
   • Hirigintzako birkalifikazio eta esleipenei buruzko erabakiak
   • Herri-lanen iragarkiak eta lizitazioak
   • Lehiatzaile, eskaintza eta ebazpenei buruzko informazioa
   • Herri-lanen exekuzioaren jarraipena eta kontrola
   • Hirigintza eta herri-lanei buruzko adierazleak
6. Gardentasun-lege berriko adierazleak:
   • Udalaren planifikazioa eta antolaketa
   • Kontratuak, hitzarmenak eta diru-laguntzak
   • Udal eta parte hartutako entitateko goi karguak
   • Ekonomia eta aurrekontuari buruzko informazioa