Teknologi berriek bizi-kalitatea igo eta aukerak gehitzeko lagungarri

Ermuko FTTH “Sarea etxeetan” ekimena aztertuko da Kalitate eta Bikaintasunaren Europar Astearen baitan.

2013ko otsailean, Zuntza duten Hirien I Toki Kongresu egingo da Ermuan, ostiralekoa horren aurrerapena izango delarik.

Datorren ostiralean –hilak 9an-, Berrikuntza Teknologikoa Herritarron Zerbitzura jardunaldia gauzatuko dugu, Euskalit fundazioaren Kalitate eta Bikaintasunaren Europar Astearen ekimenaren baitan. Jardunaldia Ermuko udalak antolatu du eta Ermuko “Izarra Centre” eraikinean egingo.

Hiritarren zerbitzura zuzendu diren teknologia berrien garapen eta ezarpen ezberdinak aztertuko dituen foroa eraikitzea izango da jardunaldiaren helburu nagusia. Halaber, Ermuan 2013ko otsailean ospatuko den Zuntza duten Hirien I Toki Kongresuaren aurrerapena izango da.

Teknologia Berriak zerbitzu publikoak hobetze aldera

Ostiraleko jardunaldia Ermuko kasua aztertzera zuzenduko da, non dagoeneko zuntz-optikoko FTTH uda sare neutroa ezartzen hasi den (Fiber To The Home / Sarea etxean) hiriko etxeetatik internet sarrera hobetzeko. Europan gero eta zabalduagoa den zuntza ezartzeko sistema honekin, etorkizunera begira zerbitzu eraginkorragoak ahalbidetuko dira, sistemak berak duen bandaren zabalerari esker. Azken finean, bizitza kalitatea hobetzea bilatzen da administrazioak eta herritarrek elkarri eragiten lagunduko baitu.

Saioa goizeko 9.30etatik eguerdiko 13.00a bitartean egingo da “Izarra Centre” eraikinean. Ermuko alkateak, Carlos Totorikak irekiko du jardunaldia, herrian ezarri den ekimenaren nondik norakoak aztertzeko. Saioaren itxiera berriz, Udaleko Teknologia Berrietako zinegotziak, Jose Luis Clementek egingo du.

Goizean zehar, komunikazioetan eta teknologia berrietan adituak diren profesionalak arituko dira. Horrela, NEXTIRAONE enpresako Iparraldeko Lurralde Zuzendariak, César Martínek banda oso zabalaren ezarpenaren xehetasunak emango ditu; Fernando Ruano Safeview-ko Zuzendari Nagusia FTTH Sarearen edukiaz eta aplikazioaz mintzatuko da; eta Juan Carlos Abascal, Promosa Sozietate Publikoko Gerenteak proiektuaren finantzazioa eta errentagarritasuna izango ditu mintzagai.

Berrikuntza Teknologikoa Hiritarren Zerbitzura Jardunaldia komunikazioen esparruko profesionalei zuzenduta doa, eta batez ere, administrazioan berrikuntza eta zerbitzuak uztartuta, hiritarrei zuzentzen diren ekimenak lantzeaz arduratzen diren politiko eta teknikoei.