Minbiziari beldurra galtzeko borrokan gaude

AECC elkarteak urteroko diru-bilketa egingo du datorren astean. Aurtengo leloa titular gisa jarri dugun esaldia aukeratu dute; ‘Minbiziari beldurra galtzeko borrokan gaude’.

Minbiziari aurre egiteko Espainiako Elkartearen (AECC delakoaren) Ermuko taldeak diru-eske aterako da datorren asteko igandean, maiatzaren 5ean. Ermuko boluntarioek igandean mahaia jarriko dute Orbe Kardinalaren plazan eta kalerik kale ibiliko dira dirua eskatzen goizeko 10etan hasi eta arratsaldeko ordu 2ak artean, itsulapiko zuri eta berdeak eskuan hartuta. Boluntarioak dirua biltzen saiatuko dira, bildutakoa Ermuan minbiziari aurre egiteko erabiliko dutelarik.

Boluntarioek dirua biltzen arituko dira elkarteak doan eskaintzen dituen zerbitzuak bere horretan mantentzeko xedez: gaixoei eta familiakoei atentzio psikologiko eta soziala eskaintzeko, ospitale eta etxean laguntzeko, prebentzio eta osasun heziketa programak gauzatzeko, informazio eta prebentzio kanpainak antolatzeko eta Bizkaian onkologia ikerketa proiektuak finantzatzeko. Kolabora dezagun!

• AECC taldeak Ermuan duen Toki-batzordearen kartela