Geldi unea Jubilatuen Zentroko taberna eta kafetegi zerbitzua esleitu artean

Gizarte-ongizate zinegotziak herriko Jubilatuen Zentroko taberna eta kafetegi zerbitzua esleitzeko prozedura berri bat hasi du. Kontratazio atalak prozedura ireki bidez zerbitzua esleitzeko deialdia ireki du, zeinaren xehetasun guztiak jasota dauden Kontratatzailearen Profilean. Horrez gain, deialdiaren berri ematen duen iragarki ofiziala, Bizkaiko Aldizkari Ofizialaren 81. alean, apirilaren 29koan, argitaratu zen. Espedienteak 1481/2013 zenbakia darama eta bertan zehazten denek zerbitzua urte betez kudeatzeko interesa dutenek beren eskaintzak aurkez ditzakete maiatzaren 14a bitartean. Urteko kontratuaz ordaindu behar den zenbatekoa bederatzi mila eta seiehun euro (9.600 €) dira.

Taberna kafetegia zerbitzuan indarrean izan den azken kontratua apirilaren hogeita hamarrean, hileko azken egunarekin batera, amaitu zen. Kontratuaren azken esleipendunak aurrekoetan ez bezala kontratua luzatzeari uko egin dio, arrazoi pertsonalengatik. Horregatik, establezimenduak ez du aterik ireki maiatzaren 1etik aurrera eta horrela mantenduko da interesdunen bat agertu esleitze-prozesu berria bukatu artean. Zerbitzua kudeatzen duen Gizarte Ongizateko sailetik aditzera eman dutenez “eperik laburrena izateko asmoa dugu”.

Nolanahi ere, Erdikokale 21eko kokatuta dagoen Pasealeku Zentroan dauden gainerako instalazioak zabalik eta jardunean mantentzen dira bazkideentzat, esaterako mahai-jokoen Aretoa, asteburuko dantzaldia, liburutegia eta gainerakoak