Gure herria guztion artean egiten dugu

Eskubide sozialen alde bateginik

Immigrazio Jardunaldien XIII. edizioa gauzatuko da Ermuan astean zehar. Jardunaldiak gaur maiatzaren 27an hasiko eta ekainaren 1ko larunbatean bukatuko dira. Jardunaldion antolatzaileak herriko Garapenerako Gobernuz Kanpoko hainbat Erakunde (GKEak) dira, hain zuzen ere ondorengoak: Egoarbitza Misio Taldea; Komite Internazionalistak; Caritas; Huancavelicaren Lagunak; Ayuda en Acción; eta Saharar herriarekiko Elkartasun Plataforma, Urko-Punta taldea eta Maishule. Halaber, ikastetxeen, Mudo-Drogoten, Antxitxiketan aisialdi taldearen, udal liburutegiaren, Emakumearen Topagunearen, Euskadi Cuba Elkartearen, Ellacuría Fundazioaren eta Zinhezba taldearen laguntza jaso dute. Egitarauak udalaren diru-laguntza jaso du, udal nazioarteko lankidetza departamentuaren finantzazioa baitauka.

Egitarauari gaur arratsaldean emango zaio hasiera ikasleentzako antzerki emanaldiarekin, Eidabe taldean ‘Izar eta Zenaida’ obra dakar Antzokira herriko ikasleentzat, 14:45etatik aurrera. Horrez agin, arratsaldeko 6etan, ‘Joan-etorriko bidaien artean, Errumaniako rromen bizitzak’ argazki erakusketaren aurkezpena egingo du, Adriana Villalón, antropologoakk eta Donostiako udal Kultur-arteko Bitartekaritza egitarauaren arduraduna. Argazki bilduma, Emakumearen Topagunean egongo da aste osoan zehar eta doan bisitatu daiteke. Ordutegia goizez 9:30etatik ordu 1 eta erdietara eta arratsaldez, 4 eta erdietatik 8etara bitartean.

Asteazkenean egitarauak aurrera jarraituko du. Arratsalde horretan Ellacuría Fundazioko kideek ‘World Kafea’ dinamizatuko dute, zeina herriko plazan egingo den arratsaldeko 6etatik 8etara bitartean.

Edizio guztietan egin legez, egun handia larunbata izango da, kulturen arteko jaia ospatuko baitugu egun osoan zehar. Goiz, eguerdi eta arratsaldeko jarduerak izanen ditugu eta baita ekintza osagarri asko ere bai. Ekitaldien ordu eta leku zehatzen berri izateko, ikus PDF formatuan laga dizuegu egitaraua.

• 2013ko esku-egitaraua
• Immigrazion Jardunladien 2013ko kartela