Laura Santosek irabazi du 350 euroko erosketa-taloia

Laura Santosek irabazi du Ermuko Merkatari eta Ostalarien Elkarteak (EMOEk) Gauez irekita jardunaldiaren baitan zozketa bidez esleitutako 350 euroko erosketa-taloia. Saridunak Probaleku kalean dagoen ‘Guipur’ dendan erosketa egiteagatik jaso zuen txartela, zeinak azkenean oparia ekarrio zion. Zozketa aurreko asteko larunbatetik igandera bitarteko goizaldean –ordu 2etan- egin zen herriko plazan.

Gauez irekita izeneko hirugarren edizioa izan da aurtengoa, zeinak ahalegin handiagoa eskatu du, egitarauaren edukia jardunaldi osoa zabaldu baita eta parte hartu duten establezimenduek erosleak ezustekoak harrapatu eta erakartzen segitzeko ahalegindu behar izan direlako.

Antolatzaileek eta establezimenduek ontzat eman dute eginiko ahalegina eta eguna. Merkatariek bezeroen beharrak asetzen ahalegindu dira, abantaila eta deskontu onak eginez, lokalak modu originalean eta espresuki prestatu eta atonduz. Ekimena EMOEk antolatu du Udalaren laguntzaz.