Lanbide Hastapeneko Zentroak hastelehenean zabalduko du matrikulazio epea

Udal honetako Toki Garapen Alorrean txeratzen den Ermua-Mallabia Lanbide Hastapeneko Zentroak astelehenean –uztailaren 1ean- irekiko du matrikulazioa egiteko epea. Hasierako Lanbide Prestakuntzako Programa bat egiteko baldintzak betetzen dituzten eta programara sartzea nahi duten gazteek matrikula egin ahal izango dute uztailaren 8a arte, hori barne.

Ekainean jasotako aurrematrikula kopuruaren arabera, ikasturte berrirako azken urteetan mantendu izan dituen hiru espezialitateak eskaintzeko gauza izango da Ermuma eta Mallabiko ikastegia. Hori horrelaz, eskaintza akademikoa aurten bukatutakoaren berdina izango da, beste behin, hiru espezialitate eskainiz. Ondorengoak hain zuzen ere:

Ikastegiak ondoren adierazten diren hiru espezialitateak eskainiko ditu hurrengo ikasturtean:

• Industri Mekanikako langilea
• Mekanika eta muntaketa: tornua, fresadora, CNC
• Metrologia eta egiaztapena
• Autocad programaren oinarrizko ezagutza
• Ibilgailuak konponketako laguntzailea
• Ibilgailuen mantenua
• Automobilen oinarrizko konponketak
• Osagarrien muntaketa
• Ile-apaindegintza
• Ilea mozteko eta orrazteko teknikak
• Estetika: manikura, pedikura, makillajea eta depilazioa
• Masaje-teknikak

Hori egiteko lekua zentroa bertan Malalbiko Osma auzoan z/g.

Programa horiek Irakaskuntza Arautuaren baitakoak dira, beraz, ikasturtea amaitzean prestakuntza gainditzen duten ikasleek Prestakuntzen Katalogo Nazionaleko Lanbide Prestakuntzako 1. mailako egiaztagiri ofiziala eskuratuko dute.

Matrikulazioaren ezaugarriak

Ikastaroak DBHko titulurik lortu ez duten 16 urtetik 18ra bitarteko gazteentzat dira. Prestakuntzak bi ikasturte hartzen ditu eta, teoriaz gain, bigarren urtean praktikak ere egiten dira enpresetan. Ordutegia astelehenetik ostiralera, goizeko 8:00etatik arratsaldeko 14:00etara bitartekoa izango da. Ikastegiak, gainera, eskola-autobus zerbitzu bat jartzen ikasleak Ermutik Mallabira eraman eta berriro ere Ermura ekartzeko. Prestakuntza doan da eta batez ere praktikoa.

Hamabost matrikula onartuko dira gehienez espezialitate bakoitzerako. Gazte bakoitzak, titular gisa, espezialitate bakar baten eman ahal izango du izena, eta erreserba moduan gainerakoetan, horregatik norbere lehentasunen arabera ordenatu beharko dira espezialitateak.

Interesatuta dauden pertsonak matrikula egiteko honako dokumentazio eskura eman beharko dituzte:

• NANaren fotokopia
• Erroldako agiria
• Azken argazkia
• Historia-akademikoa

• 2013-2014 ikasturterako Matrikulazio kanpainaren berri ematen duen agiria