Itxaso Satrustegi ‘Onna’ kantariak bertan behera utzi du larunbateko kantaldia

Itxaso Satrustegi ‘Onna’ kantari eta piano joleak bertan behera utzi du aldibateko ondoeza dela-eta, datorren larunbatean , urriaren 5ean, Lobiano Kulturgunean eman behar zuen emanaldia. Erabakia ezagutarazi berri du udal kultura sailak, kontzertua urteko azken hiru hilabeteko programazioaren barne jasota baitzuen.

Itxaso Satrustegi ‘Onna’k musika proiektua partekatzen du Madrilen finkatuta dugun Oscar Losada ekoizle eta bateria-jole ermuarrarekin. Itxaso kantaria izateaz gain ‘Rain of Life’ diskoan bildutako abestien konposatzailea ere bada. Bikotearen musika pop-fusioaren baitan kokatu daiteke, baina beraien nortasun propioa eta berezien ukitu bereziarekin.