Sallabenteko langadun trenbide-pasagunean hiru gauetan lanak egingo ditu

Sallabenteko langadun trenbide-pasagunean hiru gauetan lanak egingo dituela jakinarazi du Eusko Trenbide Sareak. Lanak bidearen geometria bere onera bueltatzeko egingo dira, gaueko hamarrak eta laurdenetatik goizaldeko 5etara bitartean. Lanok gauez egingo dira, trenbide zerbitzuari eragin gabe egunez ezin daitezkeelako egin. Lanak egiten bihar urriaren 1eko gauean hasiko dira eta, aurreikusitakoa betetzen bada, ostegunekoan bukatuko. ETS entitateak aditzera eman du guztiok jakinaren gainean egon gaitezen.

Egin beharrekoa lehenbailehen agin eta hurbileko bizilagunei eragozpenik gutxien sortzeko programatu da. Egingo diren lanen artean ondokoak daude: trenbideko plataforma egokitu makineria erabiliz, trenbidearen erraila altza, hondakinak jaso dumper izneko makinaz, errailak eta trenbidea muntatu berriz, alineatu eta nibelatu mailan uzteko, soldadura aluminotermikoko lanak egin eta guztia errematatu.