Uretamendiko tunelak itxita 22:00etatik 06:00etara

Ermuko saihesbidea eta AP-8 autobidera sarrera lotzen dituzten Uretamendiko tunelak itxita egongo dira gaur, astelehena, abuztuak 4, bi noranzkoetan. Etena 22:00etan hasi eta astearte goizeko 06:00ak arte luzatuko da, eta tarte horretan mantentze lanak egingo ditu Bizkaiko Foru Aldundiak.

Egun eta ordutegi horretan Ermutik AP-8 autobideko sarrerara iritsi edo bertatik irten ahal izateko, Ermuko hegoaldeko saihesbidea erabili beharko da Ermua eta Eibar lotzen dituen biribilgunetik.