Udalbatzarrak asteazkenean eginen du Osoko Bilkura

Udalbatzarrak asteazken iluntzean egingo du Osoko Bilkura. Bilerak esan bezala ohiko izaera izango du eta hamar eta erdietarako deituta dago lehen deialdian. Eguneko gai-zerrenda zortzi puntuk osatzen dute. Lehenengoan, uztailaren 4 eta 23ko bilerari dagozkion akta onartuko da. Bigarren eta hirugarren puntuak bina dekretu dira, ekonomiakoak. Lehenengoa, kreditua gaitzeko 2 espedientea, aurrekontuaren 4. aldaketari buruzko dekretua eta aurrekontu-egonkortasunari buruz kontu-hartzaileak eginiko txostenaren berri ematea. Bigarrenean, kreditu transferentziazko 1. espedientea, Aurrekontuaren 5.aldaketari buruzko dekretua eta aurrekontu-egonkortasunari buruz kontu-hartzaileak eginiko txostenaren berri ematea.

Laugarren puntua, Urtia industrialdeko 2. exekuzio-unitateko R2B lur-zatiaren xehetasun-azterketa da. Bosgarrenean, enplegu-plan eta –programetarako kontratatuta dauden langileentzako hitzarmena hizpide izango da. Seigarrenean, Promosa sozietatearen kapitala bi milioi laurehun eta laurogeita hemeretzi mila bederatziehun eta laurogeita sei eurotan gehitzeaz hitz egingo da.

Zazpigarrenean, Ermuko Udal Tanatorio-errausketa zerbitzu publikoa kudeatzeko kontratua “Nuestra Señora de Begoña S.L.U” hileta-enpresari esleitzeaz hitz egingo dute zinegotziek. Azken puntua, eskari-galderak izango dira, baldin badaude.

Gai-zerrenda eskaintzeko, iragarki-oholari lotura egin diogu eta, horretara ailegatzeko, saka azpiko informazio gehiago izeneko atalaren gainean.