‘Pentación Espectáculo’ enpresak ‘Desclasificados’ antzezlana dakar Ermua Antzokira

‘Pentación Espectáculos’ enpresak ‘Desclasificados’ antzezlana dakar Ermua Antzokira. Ikuskizuna gaueko hamarrak eta laurdenetan hasiko da. Sarrera bakoitzak 15 euro balio ditu eta jada eskuragarri daude aurrez aldeko salmentan Kutxabank entitatearen orotariko kutxazainetan eta bere webgunean. Eta baita Lobiano Kulturgunean, astelenetik ostiralera goizeko 9etatik gaueko 9etara bitartean, edo emanaldia hasi artean Antzokiko takilan bertan. Ia ez da sarrerarik geratzen. Antzezpenean Jordi Rebellón, Alicia Borrachero eta Joaquín Climent antzezleek lan egiten dute eta ikusmina piztu du, dozena bat eskas sarrera ez baitira geratzen aldez aurreko salmentan salgai.

Lana Sonia Pere Rierak idatzi du eta, bera da zuzendari lanak egiten dituenak. Antzezpenak laurogeita hamar minutu inguru irauten ditu.

Sinopsia

Estatuko kazetaririk prestigiotsuenak bere karrerako elkarrizketarik zailena egin beharko du: aurrez aurreko bat Gobernuko Presidentearekin, zeina delitu gaitzesgarri baten ustez nahasia dagoen. Presidentearen prentsa-idazkari maltzurrak ahal duen guztia egingo du elkarrizketatzaileak bere buruaz ere zalantza egin dezan. Jakingo al dugu egia azkenean?

Pentación enpresa pribatua da, antzerki ikuskizunak ekoiztu, sustatu eta banatzeko xedea duena. Enpresak lenguaia, gaiak eta autoreak berritzearen aldeko apustua egiten dihardu, ikusleei interesa dakieken antzerkia, gaur egungo gai eta istorioa ‘berriak’, garaikideak, eskaini nahi dituelako eta, ezbairik gabe, ustelkeriarena, horrelakoa da.