EMOEren jarduerak Gabonetan: haurrentzako txikiparkea erosketa eroso egiteko

Ermuko Merkatari eta Ostalarien Elkarteak (EMOEk) gure udalarekin elkarlanean ludoteka edo haurrentzako parkea antolatu du. Parkea zabalik izanen da abenduaren 21etik urtarrilaren 4ra bitartean. Elkarteak azpiegitura hori antolatu du ermuarrok erosketak gure herrian eta modu erosoan egiterik izan dezagun.

Herrian eta ekimenari atxikitako dendetan erosketak egiten ditugun herritarrok bonoak jasoko ditugu. Bonoak instalakuntza ordu betez –bi orduz gehienez ere- doan erabiltzeko aukera emango digute. Ludoteka edo haurrentzako parkea Probaleku kaleko 4 eraikinaren etxabean egongo da, ‘Mimitos’ izeko denda ohian. Instalazioa zabalik izanen da goizez 11 eta erdietatik ordu bata eta erdietara eta arratsaldez bost eta erdietatik zortzi eta erdietara bitartean. Abenduaren 24 eta 31ko arratsaldetan itxita egon da. Parkeak gaztelu puzgarriak, bolak, jolasak, tailerrak eta beste hainbat elementu ditu dibertsiorako.

Ekimenak herriko merkataritza aintzatetsi eta baloratu nahi du, hori dinamizatzen saiatuz eta egun berezi hauetan kontsumitzaileoi aukera eta zerbitzu bat gehiago eskainiaz. Ekimenarekin bat egin duten establezimenduak ondorengoak dira: Ikatz, 7 colores, Mª Asun loradenda, Eva Oinetakoak, Dulce Bebe Peques, Solozabal estankoa, Anboto burdin-denda, Arrieta Expert, Sagardui poltsak, Arinka oinetakoak, Truccos ile-apaindegia, Virginia Pascual, Zurich aseguruak, Egoprint eta Itze optika.

Gabon egunetarako egitaraua

• Abenduaren 21a, larunbata
• 18.30etan kalejira Irulitxa fanfarrearekin. Dendargik -Ermuko merkataritzako ipotxak- gozokiak banatuko ditu.
• 20.15etan: Ermua txartelaren sariak banatuko.
• 20.30etan Txistorra eta sagardoa ja neta dastatuko.
• Abenduaren 23an, astelehena
• 18.30etan musika eta kalejira “Tarumba percusión” taldearekin
• Abenduaren 28an, larunbata
• 18.00etan musika eta kalejira: iratxo eta Mickey trineoan.
• 22.00-23.30etan kontzertua
• 23.30-24.00etan “happy hour”, cava, gabon txanoa, eta 12 mahats ostalaritzako establezimenduetan Urte Berriari ongi etorria emateko.
• Urtarrilaren 5eko igandean, hereje egunaren bezpera, hainbat dendek ateak zabalik izango dituzte gauerdira arte, dena azken unerako lagatzen duten bezeroentzat.