'Ondoko tipoa' antzezpena Ermua Antzokian

Txalo Produkzioak ‘Ondoko (hilobiko) tipoa’ tituluko muntaia dakarkigu Ermua Antzokira. Antzezlana Katarina Mazetti idatzitakoa da eta Begoña Bilbaok zuzentzen du. Ikuskizuna gaueko hamarrak eta laurdenetan hasiko da. Sarrerek hamar euro balio dute eta jada Kutxabank entitatearen orotariko kutxazainen sarearen eta webgunearen bidez erosi ditzakegu. Eta baita ere, Lobiano Kultur gunera bertara joanda. Aktoreak Iker Galartza eta Aitziber Garmendia dira, ETB telebista kateetako aurpegi ezagunak biak.

Sinopsia

Ondoko hilobiko tipoa antzezlana taularatuko du Txalok ostiral gauean (22:00etan), Ermua Antzokian. Begoña Bilbaok zuzendutako komedia jostagarria da: neskatila pinpirin bat baserrian, eta baserritar bat operan; ezberdinak diren bi mundu elkarren alboan, maila soziokultural ezberdineko bi lagun aurrez aurre. Aiora da protagonistetako bat, eta Pablo da bestea. Liraina, goxoa eta alarguna da Aiora (Aitziber Garmendia); eta berekoia, burugogorra eta ezkongabea Pablo (Iker Galartza). Bi mundu ordezkatzen dituzten gazte biek bat egingo dute leku berean, hilerrian. Maila sozial eta kultural ezberdinak aurrez aurre geratzen dira; irribarre leun bat, ordea, nahikoa izango da bi protagonisten arteko sua pizteko.

Jarraian ikuskizuna ezagutzera emateko Eibarko SER Irratian emititzen dihardugun iragarkia uzten dizuegu, MP3 formatuko audioan.