Ezohiko Osoko Bilkura egingo Hiri-antolamenduko Plan Nagusi berriaz

Ermuko Udalbatza Osoko Bilkurara bilduko da asteazken iluntzean. Bilerak ohiko izaera izango du eta iluntzeko zortzietarako deituta dago lehen deialdian, eta ordu erdi beranduago bigarrenean bada. Organoa Hiri-antolamendurako Plan Nagusiaz (HAPN) hitz egin eta eztabaidatzeko bilduko da eta, bozketaren arabera, tresna hori hasierako izaeraz onesteko. Eguneko gai-zerrendak bi puntu ditu, udalerriko Hiri-antolamenduko Plan Nagusia eta Hirigune Historikoa Babestu eta Kontserbatzeko Plan Berezia hasierako izaeraz onartzea.

Hiri-antolamendurako Plan Nagusiaren definizioa, ondorengo hau da: udalerriko hirigintza-plangintzaren oinarrizko tresna, gero beste plangintza-tresnekin garatu beharreko udal-mugapea oso-osorik egituratzen duena. Bere egiteko nagusiak hauek dira: a) lurzorua sailkatzea, legean ezarritako lurzoru moten arabera; b) lurraldearen egitura erabakitzea, bereziki komunikabideen sistema orokorra, espazio libreak eta ekipamenduak zehaztuz; c) denboran zeharreko garapena programatzea, launa urtetako bi epe zehaztuz eta udal-mugapean batera egiten diren jarduketa publiko guztiak koordinatuz; d) erabilera orokorrak eta aprobetxamendu mailak ezartzea, lurzoru mota desberdinen arabera.

Gai-zerrenda ikusteko, saka azpiko informazio gehiago izeneko atalaren gainean.