Aste Santuko egunetan udal zerbitzuen ordutegi bereziak

Aste Santuak atseden hartzeko egunak ekarriko dizkigunez gero, lanean etena ere badakarte eta horrek bere isla eta eragina izango duelarik udal zerbitzuetan. Udal Kirol Erakundeak (UKEk) iragarri duenez kiroldegia zabalik egongo da ordutegi murritzagoan. M.A. Blanco kiroldegiak goizez bakarrik -goizeko 9etatik arratsaldeko ordu 1etara bitartean- zabalduko du ostegun, ostiral, igande eta Pazkoa astelehenean. Asteburuan eta pazkoa asteko lanegunetan ohiko ordutegia mantenduko du. Larunbatean goizez, 9etatik ordu 1etara eta arratsaldez, 4etatik 8etara. Pazkoa astean ordutegia ohikoa izango da. Martitzenetik aurrera, ohiko ordutegia, goizeko 8etatik gaueko 10etara bitartean etenik gabe.

Betiondoko instalazioa ordez, zabalik egonen da apirilaren 17etik 21era bitartean, biak barne. Bere ordutegia 9:00etatik 13:00etara izanik. Apirilaren 19ko larunbatean goizekoaz 8:30etatik 14:00etara eta arratsaldez 16:00etatik 20etara irekita egongo da. Martitzenetik aurrera, bere ohiko ordutegia mantenduko du, eta baita asteburuan ere.

Udal liburutegiaren ordutegi berezia

Ermuko Udal liburutegia zabalik egongo da Aste Santuko jai egunetan zehar. Dena den, bere ordutegia berezia izango da, asteburuetan irekitzen duen modu berberean. Horrela, bihartik hasi eta datorren astelehenera bitartean, zerbitzua zabalik izango da goizeko eta arratsaldeko ordu batzutan. Hau da, goizez 11etatik 14etara ta arratsaldez 17:00etatik 20:00etara, hain zuzen ere. Apirilaren 22ko asteartetik aurrera, liburutegia bere ohiko ordutegira bueltatuko da, zabalik egonez etenik gabe goizeko 9,30etatik iluntzeko 8 eta erdietara bitartean.

Udaletxeak, Lobianok eta Emakumearen Topaguneak bost egunak itxiko dituzte

Bestalde, udaletxeko bulegoak –Abiapuntu barne-, Lobiano eta Emakumearen Topagunea itxita egongo dira 5etik 9ra bitartean, biak barne. Martitzenetik aurrera, bere ohiko ordutegietara bueltatuko dira. Udalaren kasuan, goizeko 8etatik arratsaldeko 3etara bitartean, eta Emakumearen Topagunea, goizez 9:30 tik 13:30ra eta arratsaldez, 16:30etatik 20:00etara bitartean.

Udaltzaingoan tokatzen zaionari ez ezik ez da jairik egongo eta txandaka normaltasunez lan egingo dute, segurtasuna bermatzeko.

Miguel Ángel Blanco Kiroldegia eta Aritzmendi Pilotalekua

Apirilaren 17, 18, 20 eta 21: 9:00etatik 13:00etara

Apirilak 19 larunbata: 9:00etatik 13:00etara eta 16:00etatik 20:00etara

Betiondo Kirol Gunea

Apirilaren 17, 18, 20 eta 21: 8:30etatik eta 13:30etara

Apirilak 19 larunbata: 8:30etatik 14:00etara eta 16:00etatik 20:00etara

Udal liburutegia

Apirilaren 17, 18, 19, 20 eta 21: 11:00etatik 14:00etara eta 17:00etatik 20:00etara