Txandako eta lan-kontratupeko ofizial-igeltsero-gidari lanpostua betetzeko hautatze-prozesua

Udal honek hautatze prozesua gauzatuko du lan-poltsa sortu eta horren bidez ofizial-igeltsero eta kamioi gidaria kontratatzeko, txandakako lan-kontratupeko modalitatean. Hartzen den langileak halaber, parte hartuko du brigadak egin behar dituen hainbat lanetan, besteak beste: arotz-, elektrizitate-, iturgintza-pintura eta lorezaintza–lanetan. Kontratuaren portzentajea lanaldi osoaren %75ekoa izango da. Lanaldia, (%75ekoa) Udalak ezarriko du, beti ere zerbitzuaren izaeraren eta beharren arabera. Kontratu honen iraupena lanpostu honetako titularraren nahitaezko erretiro-egunera artekoa izango da, eta froga-aldia hilabetekoa

Hautaketa-probetan onartua izateko, izena ematerakoan honako baldintzak bete beharko dira:

• Lanbide enplegu-bulegoan langabetu legez inskribatuta egotea.
• Eskola graduatua, LHko 1. maila edo horiekiko baliokidea den titulua edukitzea.
• C motako gida-baimena edukitzea.
• Euskararen 1ngo Hizkuntza eskakizuna edukitzea –derrigorrezkotasunik gabea-.

Deialdiaren oinarriak, eskabide-orriaren eredua eta informazio orria webgune korporatibohonetan argitaraturik daude, ‘iragarki oholean’ guztion ezagutzarako. Parte hartu nahi duten pertsonek eskabideak gaurtik bertatik eta hilabetez –abuztuaren 21era bitartean, biak barne- aurkeztu ditzazkete ‘Abiapuntu bulegoan bertan edo horrek duen abiapuntu@udalermua.net e-postontzian. Azken bide hori gomendagarri da, azkarra eta erosoa delako, bakoitzaren aukeran. Onartutakoen zerrendak irailaren lehenengo astean argitaratuko ditugu eta frogak, bigarrenetik aurrera egingo dira.