Saihesbidea egiteko obraren inguruko azalpenak emateko bulego informatiboa

Gaurtik bertatik, Bizkaiko Foru Aldundiak Ermuko saihesbideko aurrerapenen berri herritarrei emateko xedez, informazio bulegoa zabaldu du Izelaieta kaleko 2 zenbakian.Saihesbide hori Bizkaiko Lurralde Historikoko errepide erradial berrietako bat da eta exekuzioa uda honetan hasi zen.

Informazio bulego hori astelehenetik ostiralera egongo da zabalik goiz nahiz arratsaldez 10etatik 14:00etara eta 16:00etatik 20:00etara. Bertan proiektuaren maketa bat eta elementu grafikoak erakusten dituen informazio-panela daude, bide-azpiegitura horren bilakaera ezagutu nahi duten auzokideen eskura. Informazio eta iradokizunetarako zerbitzuan teknikari elebiduna dago.

Informazio-zerbitzu horren bitartez, Bizkaiko Foru Aldundiak hurbildu egin nahi die bide-azpiegituren proiektu hori eragindako udalerrietako herritarrei. Horrela, lanek irauten duten bitartean eskatzen duten informazio guztia, orokorra edo espezifikoa, eskainiko zaie.