Aldundiak 190 metro baranda berri ipiniko Sallbenten, 634 Errepidearen bi alboetan

Bizkaiko Foru Aldundiak 190 metro inguruko baranda zaharra kendu eta berria ipiniko du Sallabente auzoan, Zaldibar herriko mugen barne dagoen 634 Errepideko 66 kilometroaren bi alboetan. Hau da A8 autobideak Ermuan duen ordainsari kutxetatik irten eta Eibarreranzko norabidea hartuta eskerra bahiz eskumako errepide alboan. Ezkerretik Gipuzkoa Etorbideko 37a pasa eta Forjas Areitio enpresaren sarreraraino eta, eskumatik, Sallabente auzogunera sartzeko bidera arte, baseliza aurretik pasatzen den lekura arte. Baranda zaharra oso-osorik ugertuta dago eta oso egoera txarrean aurkituz –hainbat zati askatu eta jausi egin direlarik- eta ez du oinezkoek babesteko funtzioa betetzen, oinezkoek amildegitik erori daitezkeelako Ego ibaia pasatzen den tartean bost metroko altuera baitago.

Aldundiak lanaren kostua gain hartuko du, hori Herri Lan eta Garraioen Sailak esleitu duen enpresak datorren astean egingo duelarik, astelehenetik hasita. Ermuko udal hirigintza sailak barandak duen egoeraren berri emateko idatzia bidali zion Aldundiari, horrek arriskua suposatzen zuela azpimarratuz, tarte horretatik pasioan egunero pertsona kopuru handia igarotzen baita. Aldundiak idatzi jaso eta gerora ondorengoa erantzun zuen: burdinazko baranda hori Ermua zeharbidean ez dagoen arren, horren artapena eta ordezkapena eta erretiratzea berari dagokiola eta lana ahal zen lasterren egingo zutela. Orain dela gutxi, lana eta aldaketa datorren astean egingo dutela jakinarazi dute.