Enplegu-zerbitzu guztiak jardunean mantentzen ditu Ermuak

Orientaziorako Lanbiderekin zuen hitzarmena bukatu izan

Euskal Enplegu Zerbitzuaren-Lanbideren, Udaletxeen eta gainerako eragile laguntzaileen artean Orientaziorako Lanbiden dauden jarduerak babesten dituen urteroko lankidetza hitzarmena irailaren 30ean iraungi zen. Hori horrela, une honetan ezinezkoa zaigu langabezi egoeran dauden pertsonen espedienteetan aldaketa edo egokitzapenik egitea, ez eta orientaziorik egin ere, haien informatika sistemaren bidez. Hitzarmena iraungi eta gero, Langai zerbitzuak geldiarazi eta etetea erabaki duelako, orientazio diru-laguntza deialdi berria ebatzi artean. Aipatu deialdia aurtengo abendurako edo , behar bada, 2015eko urtarrilerako amaitzea aurre ikusten duelarik Eusko Jaurlaritzak.

Hitzarmerna iraungi egin da bai, baina horrek ez digu eragozten lanbiderekin elkarlanean jarraitzeko, ez eta langabetuei arretarik ez egiteko. Torreta eta bertan ditugun zerbitzu guztiak aktibo mantenduko ditugu; Lanbideren webgunea nola erabili aholkatzen eta langabetuek –txartela edo lan-eskaria indarrean mantentzeko- telefonoz kudeaketak egiten jarraituz, premiazko kasuetan. Ermuko Udal honek arreta zerbitzu oso mantentzeko asmoa irmoa du, herritarrek Iurreta edo Eibarko bulegoetara joan beharrik izan ez dezaten, esaterako, lan-eskaria berritzera.

Orientazio jarduerak ere aktibo mantentzea erabaki dugu. Orientabide horiek orain artean bezala, enplegua aktiboki bilatzeko aholkularitza eta laguntza nahi eta behar duten guztientzat.

Torreta Etxea eraikina Enplegu Zentro gisa hitzartuta dago eta horren barne ditugun zerbitzuak ere aktibo mantentzea eta ematea erabaki dugu, hori 2015. urtean Ermua eta Eibarko Enplegu Zentro bezala mantentzen denaren erabakia iritsi bezala, zeina datorren egunetan jasotzea espero dugun.

Laburbilduz, langabezi egoeran dauden edo enplegatze baldintzak hobetzea nahi duten ermuar guztiek Udalak bere beharrei erantzuteko dituen zerbitzu publikoak erabiltzen jarraitu ahal izango dute bai Torreta Etxean bai Izarra Centre eraikinean goizeko 8etatik arratsaldeko ordu 2etara bitarteko ordutegian, Euskadiko erakundeen –gure udala barne- eta Lanbide Enplegu euskal Zerbitzuaren arteko hitzarmena iraungi izan arren.