Agenda txiki, haurrentzako Ermuko agenda berria

Euskara eta Kultura Sailek haurrentzako ekitaldi guztiak agenda batean bateratu dituzte eta horren berri emango dute bai kaleko “muppietan” –iragarki eta informazio jartzeko erakustoki berezietan, herriko ikastetxeetan zein umeak eta familiak maiz erabiltzen dituzten tokietan. Kartel formatuko agenda honek, egutegi moduan, haurrentzako diren jarduerak biltzen ditu, hala nola, zinea, ipuin-kontalariak, irakurketa-klubak, jaialdiak eta umeentzako interesgarri izan daitezkeen beste jarduerak.

Horretaz gain, jarduerak iragartzeko Udalak erabiltzen dituen bestelako kanalak ere erabiliko dira, jarduerei ahalik eta zabalkunde handiena ematea da helburua, umeen parte-hartzea sustatzeko eta aisialdiko aukera berriak eskaintzeko.

• 2014ko azaroan izango ditugun jardueren laburpena jasotzen duen agenda