San Pelaion haurren jolastokia estaltzeko lanak aurrera doaz

San Pelaio parkeko haurren jolastokia estaltzeko lanak aurrera doaz aurreikusitakoari jarraiki, Udal Alor Teknikoak aditzera eman duenez. Zonaldean hesiak jarrita mantentzen dira jendearen segurtasunerako eta lanak egian ahal izateko, haurren zabu edo jolaserako tresnak zerbitzuz kanpo egonik. Gaurkoan langileek erremate lanak egiteari ekin diote, arku metalikoak eta goiko estaldura jarrita baitaude. Guztira 300 metro karratuko eremuari estaldura jarri zaio. Egitura arku metalikoak dira eta horien gainetik lonazko oihal plastiko inpermeabilizatua jarri da, tiranteekin. Estalpeari esker haurrek jolas gunea urte osoan zehar erabili ahal izango dute eguraldia edozein izanik ere, eguzkia nahi euria bada. Obra eta egitura Kataluniako ‘Arquitectura textil’ izeneko enpresak egingo du, 128.000 euroren truke. Lanak hamar bat egun iraungo dutela aurreikusita dagoenez, datorren astean emango dira amaitutzat.

Jarraian gaur goizean atera ditugun argazki sorta uzten dizuegu, non zortzi egun atzerako egoerarekin alderatuaz egindako aurrerapen nabaria ikus daitekeen.