Lanbideren 'Ideia eta Negozioak' programako azken edizioa amaitu da

''Ideia eta Negozioak'' izeneko Lanbideren aurtengo programa amaitu berri da, zeinak herriko gazteria ardatz izan duen. Edizioa positibo eta probetxugarritzat jo dute antolatzaileek. Gazteria ermuarrak aurrera jarraitzen du etorkizuna eraikitzeko lanean. Programa Tokiko udal garapen alorrak babestu du. Lanbidek programaren onuradun den pertsona bakoitzeko 2000 euro jarri ditu eta horren erdia (%50) Europako Fondo Sozialak ipintzen du.

Orain gutxi amaitu da Ideia eta Negozioak izeneko Lanbideren aurtengo programa. Diru-laguntza ildo hau ekintzaile berriak laguntzean datza, hiru hilabetez buru-belarri enpresa ideia aztertu eta antolatu dezaten, jarraian bideragarritasun-plana aurkezteko. Aurtengo edizioan batez ere gazte ermuarrak parte hartu dute, eremu ezberdinetako ideia garatzeko lanean. Landu dituzten gauzak, besteak beste, ondorengoak dira: lau ideia merkataritza alorrekoak, izaera eta nortasun teknologikoa duen negozioari buruzko beste bat, hirugarren adinarentzat jokoak on eta offline garatzen dituen enpresa, negozio bidaien testuinguruan prestatuko litzatekeen sare soziala, geo-kokapen sistema garraio enpresentzat, informatika zerbitzuetako beste bat eta onlineko denda, oihal edo arropak eta QR kodeak uztartzen dituenak. Partaideek hiru hilabete horietan Izarra Centre Fundazioko eta Toki-garapen alorreko teknikarien aholkularitza izan dute. Prestakuntza Izarra Centre zentroangauzatu dute.